السيرة النبوية الكاملة >> تحميل كتب السيرة النبوية 🌾 في ظلال السيرة النبوية >> تحميل كتب السيرة النبوية 🌾 صحيح السيرة النبوية >> تحميل كتب السيرة النبوية 🌾 السيرة النبوية المستوى الأول >> تحميل كتب السيرة النبوية 🌾 السيرة النبوية للأطفال والناشئة >> تحميل كتب السيرة النبوية 🌾 تحميل كتاب تربية الاولاد في الاسلام >> كتب الأسرة والمرأة المسلمة 🌾 انشودة عشاق الشهادة >> اناشيد ابراهيم الاحمد 🌾 اقوى آيه مجربة لفك عقد السحر والحسد >> الرقية الشرعية والأذكار 🌾 انشودة قائد الأمة >> الاناشيد الاسلامية 🌾 انشودة جبل بلادي >> أناشيد فرقة الوعد اللبنانية 🌾

حلى الشلسيابنز مع الشرح

عدد الاطباق

الصفحة الرئيسية » تعليم الطبخ بالصور » الحلوايات على انواعها

حلى الشلسيابنز مع الشرح

الكاتب : مطبخ الشفاء

الزوار : 13550

الإضافة : 2013-03-27

حلى الشلسيابنز بالخطوات المصورة

الوصفة دى ولله الحمد انا اول واحدة انزلها ع النت
وهى سهلة وجميلة جدا سواء العجينة بتاعتها او الحشو

نبدء بمقاديرها

اولا العجينة دى اسمها عجينة البخلتين ومقاديرها بسيطة
4 كوب دقيق
بيضتان
ملعقة صغيرة فانيليا
كوب الا ربع لبن
تلت كوب سمنة
نصف كوب سكر بودرة
ربع كوب مياه دافية
2 ملعقة صغيرة خميرة فورية ولو عندك خميرة بيرة يبقى قطعة فى حجم عين الجمل
الحشو
الحشو ده ممكن تغيرى فيه على مزاجك
عموما انا حشتها فواكه مجففه بتاعة رمضان ومكسرات وزبيب وملعقة كبيرة قرفة وملعقة كبيرة سكر بودرة وممكن انتى تضيفى عسل نحل وزبدة
وللتزيين بعد ماتستوى هنحط عليها عسل نحل

نحط كل المقادير مع بعض ماعدا الخميرة

ندوب الخميرة الفورية فى مياه دافية وشوية سكر وده شكلها بعد ماخمرت

نضيفها للمكونات السابقة ونعجن كويس هنلاقى معانا عجينة ناعمة ومش بتلصق فى الايد

نغطيها ونسيبها تخمر فى مكان دافى لمدة ساعتين
ونبدء وقتها نجهز الحشو

وده شكل العجينة بعد ماخمرت

نفرد العجينة على شكل مستطيل

ونحط عليها الحشو

ونلفها على شكل اسطوانة

ونقطعها ونرصها فى الصينية على مسافات متباعدة

ونخبزها فى الفرن لغاية ماتستوى ولما تطلع نحط على وشها عسل نحل
وده هيبقى شكلها

يارب الموضوع يكون عجبكم
لاتنسونى فى دعائكم